Пайдаланушыларға немесе пайдаланушылар топтарына құқықтарды тағайындау

Kaspersky Endpoint Security for Windows сияқты басқару плагиндеріңіз бар "Лаборатория Касперского" Басқару сервері мен бағдарламаларының әртүрлі мүмкіндіктерін пайдалану үшін пайдаланушыларға немесе пайдаланушы топтарына құқықтарды тағайындауға болады.

Пайдаланушыға немесе пайдаланушылар тобына құқықтарды тағайындау үшін:

1. Консоль ағашында келесі әрекеттердің бірін орындаңыз:
   • Басқару сервері түйінін ашыңыз және қажетті Басқару сервері деп аталатын ішкі қалтаны таңдаңыз.
   • Басқару тобын таңдаңыз.
2. Басқару серверінің немесе басқару тобының контекстік мәзірінен Сипаттар тармағын таңдаңыз.
3. Ашылған Басқару сервері сипаттары терезесінде (немесе басқару тобы сипаттары терезесінде) Бөлімдер панелінде Қауіпсіздік бөлімін таңдаңыз.

   Қауіпсіздік бөлімі, интерфейс параметрлері терезесінде Қауіпсіздік параметрлері бар тарауларды көрсету жалаушасы қойылса қолжетімді болады.

4. Қауіпсіздік бөліміндегі Топтардың немесе пайдаланушылардың аттары тізімінен пайдаланушыны немесе пайдаланушылар тобын таңдаңыз.
5. Терезенің төменгі бөлігіндегі құқықтар тізімінде, Құқықтар қойыншасында пайдаланушыларға немесе топтарға арналған құқықтарды конфигурациялаңыз:
   1. Тізімдегі түйінді ашу үшін плюс (+) белгішесін нұқыңыз және құқықтарды тағайындаңыз.
   2. Қажетті құқықтардың жанына Рұқсат және Тыйым салу жалаушаларын қойыңыз.

      1-мысал: ACL тізіміне қарамастан, нысандарға қатынасу түйінін немесе Жойылған нысандар түйінін ашып, Оқу тармағын таңдаңыз.

      2-мысал: Базалық функционалдылық түйінін ашып, Жазу тармағын таңдаңыз.

6. Құқықтар жиынтығын конфигурациялағаннан кейін, Қолдану түймесін басыңыз.

Пайдаланушы немесе пайдаланушылар тобы үшін құқықтар жиынтығы конфигурацияланған.

Басқару серверінің (немесе басқару тобының) құқықтары келесі аймақтарға бөлінеді:

• Жалпы функциялар:
  • Басқару топтарын басқару (тек Kaspersky Security Center 11 және одан да жоғары нұсқа үшін).
  • ACL тізіміне қарамастан, нысандарға қатынасу (тек Kaspersky Security Center 11 және одан да жоғары нұсқа үшін).
  • Базалық функционалдылық.
  • Жойылған нысандар (тек Kaspersky Security Center 11 және одан да жоғары нұсқа үшін).
  • Оқиғаларды өңдеу.
  • Басқару серверіне қатысты әрекеттер (тек Басқару сервері сипаттары терезесінде).
  • "Лаборатория Касперского" бағдарламалық жасақтамасын орналастыру.
  • Лицензиялық кілттерді басқару.
  • Есептерді басқару (тек Kaspersky Security Center 11 және одан да жоғары нұсқа үшін).
  • Серверлер иерархиясы.
  • Пайдаланушылар құқықтары.
  • Виртуалды Басқару серверлері.
• Ұялы құрылғыларды басқару:
  • Жалпы.
• Жүйені басқару:
  • Қосылымдар.
  • Жабдықты түгендеу.
  • Желіге қатынасуды басқару.
  • Операциялық жүйені орналастыру.
  • Осалдықтар мен патчтарды басқару.
  • Қашықтан орнату.
  • Бағдарламалық жасақтамаларды түгендеу.

Құқық үшін не Рұқсат, не Тыйым салу таңдалмаса, ол анықталмаған болып саналады: құқық пайдаланушы үшін айқын түрде қабылданбайынша немесе рұқсат етілмейінше қабылданбайды.

Пайдаланушылардың құқықтары келесінің жиынтығы болып саналады:

• пайдаланушының өзіндік құқықтары;
• пайдаланушыға тағайындалған барлық рөлдердің құқықтары;
• пайдаланушы кіретін барлық қауіпсіздік топтарының құқықтары;
• пайдаланушы кіретін топтарға тағайындалған барлық рөлдердің құқықтары.

Ең болмаса бір құқықтар жиынтығында тыйым салынған құқық болса (құқық үшін Тыйым салу жалаушасы қойылған), онда бұл құқық басқа құқықтар жиынтығында рұқсат етілген немесе анықталмаған болса да, пайдаланушы үшін тыйым салынған болып саналады.

Басына оралу